Fyrsta bindi af Að Fanga Heiminn spannar fjölmarga þætti í alþjóðamarkaðssetningu 

Bókinni er skipt í þrjá meginhluta, stefnumótun, skipulagingu og innleiðingu, en auk þess er inngangur þar sem fjallað er almennt um bókina og viðaukar með ýmsum gagnlegum upplýsingum.

Í þessu bindi er að finna samantekt um greinar sem fjalla um:

• Kenningar í alþjóðavæðingu
• Menning og umhverfi
• Undirbúning/markaðsrannsóknir
• Stefnumótun og samkeppnishæfni
• Skipulag og uppbygging
• Tengsl og samstarf
• Inngönguaðferðir og vöxtur
• Nýting fagsýninga
• Netviðskipti
• Verðlagning á erlendum mörkuðum

Bókin er fyrst og fremst hugsuð sem kennslu- og stuðningsefni á háskólastigi, en einnig fyrir aðila sem hafa áhuga á að fylgjast með nýlegum greinum og rannsóknum á sviði alþjóðamarkaðssetningar. Þrátt fyrir gott aðgengi að gögnum á rafrænu formi, eru stjórnendur tímabundnir og líklegt að þeir kjósi frekar að kynna sér stuttar og hnitmiðaðar upplýsingar á íslensku. Upphaflegu greinarnar eru flestar á ensku og oft á málfari sem gerir kröfur um góða þekkingu á tungumálinu. Markmiðið með ritröðinni er að brúa þetta bil og auka þannig aðgengi að upplýsingum um það sem er að gerast á þessu sviði.

Ef bókin innihéldi sjálfar greinarnar sem fjallað er um væri hún yfir 1.000 blaðsíður og einungis á færi fræðimanna að kynna sér innihald þeirra. Þess í stað er bókin einungis um 300 blaðsíður (að meðtöldum viðaukum) auk þess sem lesendur hafa aðgang að greinunum sjálfum í gegnum rafræn gagnasöfn og frekara ítarefni.