Góðir tekjumöguleikar - átaksverkefni

Takk fyrir að hafa áhuga á að taka þátt í átaksverkefninu okkar. Við erum lítið og sérhæft fyrirtæki með takmarkaðar auðlindir en afar áhugaverðar lausnir sem breyta möguleikum lítilla og meðalstórra fyrirtækja til að beita nýjustu tækni við stjórnun og ná árangri. Til að auðvelda þér að taka ákvörðun um hvort þú viljir vera þátttakandi í þessu verkefni höfum við sett fram helstu upplýsingar um starfið og átaksverkefnið.

Tækifærið

Þrátt fyrir ágætt framboð af bókhaldskerfum er ennþá um helmingur allra rekstraraðila sem útbúa reikninga handvirkt, þ.e. handskrifaða, í rtivinnsluforriti (t.d. MS Word) eða töflureikni (t.d. MS Excel). Ástæðan er að okkar mati að þeim hefur ekki staðið til boða bókhaldskerfi á nógu góðu verði, eða að þau hafa verið of flókin í notkun. Við erum að bjóða nýtt bókhaldskerfi sem er mjög einfalt í notkun, með fjölhæfa eiginleika, uppfyllir reglugerð um rafrænt bókhald og gerð reikninga í einriti á verði sem ekki hefur sést áður hér á landi, eða frá kr. 24.900 + VSK. Þá bjóðum við greiðsluseðlakerfi sem gerir notendum kleift að útbúa greiðsluseðla og senda beint í bankann í innheimtu. Slík lausn borgar sig venjulega upp á nokkrum mánuðum.

Starfið

Starfið felst í því að kynna bókhaldskerfi með fjölbreyttum eiginleikum á verði sem ekki hefur sést áður á íslenska markaðnum. Þitt viðfangsefni er að kynna kerfið fyrir markhóp(um) sem við veljum sameiginlega. Þú þarft að hafa samband við þá, hringja í þá, senda upplýsingar í pósti eða tölvupósti og að lokum, að sjálfsögðu, að ganga frá sölu ef mögulegt er, en það getur þú gert beint á netinu, tekið við greiðslu, afhent vöruna og veitt aðgengi að þjónustu.

Vinnan fer fyrst og fremst fram í gegnum tölvupóst. heimasíðuna og í símanum, en þú gætir einnig sett upp netfund, t.d. í Skype, notað Facebook eða það sem þér hentar.

Starfsaðstaða og vinnutími
Við erum ekki með skrifstofu heldur er reiknað með að starfsmaðurinn noti sína eigin tölvu og síma – og getur því unnið hvar sem er. Það krefst hins vegar mikils sjálfstæðis og ákveðins sjálfsaga.

Við bjóðum góð stuðningsgögn, upplýsingaríka heimasíðu, bæklinga og ýmislegt annað efni. Við erum einnig með drög að söluferli sem gæti hjálpað þér að ná árangri í verkefninu.

Vinnutími er sveigjanlegur. Þú getur unnið að undirbúningi og ýmsum verkefnum hvenær sem er, en að öllu jöfnu er heppilegast að hringja út á vinnutíma. Það er þó ekki sjálfgefið þegar um einyrkja er að ræða.

Framundan er góður tími til að fara í þetta verkefni. Flest meðalstór fyrirtæki taka ákvörðun um kaup á bókhaldskerfi fyrir áramót, en þó er algengara að einyrkjar og minni fyrirtæki taki bókhaldskerfi í notkun í byrjun árs, jafnvel fram í mars – apríl. Þá er líklegt að fyritæki séu opnari en áður fyrir því að lækka kostnað, þ.m.t. kostnað við bókhaldið og séu þar af leiðandi tilbúnir að skoða nýjar lausnir.

Varan

Við erum að bjóða bókhaldskerfi sem byggir á 10 ára reynslu, þróað og framleitt á grundvelli nýjustu tækni í samstarfi við erlenda aðila sem gera okkur kleift að bjóða jafn fjölhæfa lausn og hér um ræðir á mun lægra verði en áður hefur þekkst. Við bjóðum kerfið í þremur útgáfum, Accounting2benefit Individual, Accounting2benfit Business og Accounting2benefit Enterprise. Sérstaða okkar kerfa er ný tækni sem eykur öryggi og samskiptahraða. Auk bókhaldskerfanna bjóðum við ýmsar sérhæfðar viðbætur fyrir íslenskan markað, svo sem launakerfi og greiðsluseðlakerfi. Kerfið uppfyllir reglugerð um rafrænt bókhald og útgáfu reikninga í einriti – það er reyndar það eina sem margir hafa áhuga á! ... og 24.900 kr. er nánast enginn peningur fyrir það.

Átakið

Átakið felst í því að bjóða og selja einföldustu útfærslu af kerfinu, Accounting2benefit Individual. Við teljum að vegna verðsins sé tiltölulega auðvelt að selja kerfið í símasölu og beinni markaðssetningu. Þér er frjálst að selja viðbótarkerfi og ýmislegt annað sem við bjóðum uppá, en teljum þó að heppilegast sé að beina kröftunum í ákveðinn farveg á þessu stigi.

Hæfniskröfur
Starfsmaðurinn þarf fyrst og fremst að hafa þor og vilja til að takast á við þetta verkefni og áhuga á því að auðvelda fyrirtækjum að ná betri árangri. Það er óneitanlega kostur ef viðkomandi þekkir til notkun bókhaldskerfa og viðskipta og ekki er verra ef viðkomandi hefur aðgang að tengslaneti sem gerir starfið auðveldara. Starfsmaðurinn þarf að hafa frumkvæði að því að ræða við mögulega kaupendur, hafa gott vald á samskiptum og hæfni til að ljúka sölu.

Laun
Í boði eru góð sölulaun og á viðkomandi tækifæri á að ná sér í góðar viðbótartekjur. Við erum einnig með söluhvetjandi kerfi til að umbuna þeim sem ná sérlega góðum árangri. Endilega sendu okkur línu með síma og netfang ef þú vilt fá nánari upplýsingar.

Umsóknarferlið
Þú sendir okkur tölvupóst með stuttri ferilskrá og helstu upplýsingum.

Við höfum enga hugmynd um hve margir sækja um en stefnum að því að svara öllum. Umsóknarferlið er hefðbundið, við förum yfir umsóknir, tökum viðtöl og tekst vonandi að ráða réttu manneskjurnar í starfið. Vinsamlegast sendið umsóknina á netfangið: starf@avinningur.is. Því fyrr, því betra – því við höfum áhuga á að nýta tækifærið á meðan það gefst.

Bestu þakkir og kveðjur
Gunnar Óskarsson, Ph.D.